Arabako Errioxako Kuadrillak eta Arabako Errioxako Mahats-bilketaren Festaren batzorde antolatzaileak Arabako Errioxako XXXI. mahats-bilketaren festarako kartel-lehiaketa deitu dute.

Aurten, lehiaketak diru gehiago emango dio sariari: 1.000 euro, lan irabazlearentzat; 200 euroko "VisitRioja Alavesa" bonua, ardo-sorta bat.

 Lehiaketa honen deialdiak urtero irekitzen du ospakizun honen hasiera, eta irailean jaiarekin berarekin amaitzen da. Hurrengo ekitaldia Kripanen izango da, irailaren 13an. Lehiaketari dagokionez, aurreko edizioetako zehaztapen teknikoei eusten die, eta formatu digitalaren aldeko apustua egiten jarraitzen du lanak entregatzeko, iaz harrera ona izan baitzuen.

Aldaketa horri esker, parte-hartzaileek ez dute inprimatze- eta garraio gasturik ordaindu beharko. Izan ere, kartelaren proposamena eta behar den dokumentazioa modu telematikoan bidali behar dituzte Arabako Errioxako Kuadrillaren egoitza elektronikoaren bidez

Lanak aurkezteko epea maiatzaren 25era arte egongo da zabalik.

 Ikusi oinarriak osorik: oinarriak osorik

• Martxoaren 21ean hasiko dira "Gozamen barrokoa Oionen eta Gorrebuston" gaiarekin, eskualdeko hainbat herritako azalpen tekniko, sozial, historiko eta arkitektonikoekin.
• Hitzordu bakoitzean, 35 pertsonentzako tokia dago, aldez aurretik izena eman behar da; ibilbide bakoitzaren iraupena bi ordukoa da, gutxi gorabehera.
• Txema Elvira: "Kalitatezko turismoa eramaten dugu hain ezagunak ez diren herrietara eta bisita gidaturik ez duten espazioak ezagutzera"

Arabako Errioxako Kuadrillak aurtengo udaberrian eta udazkenean egingo diren hamabi "Ondare-ibilbide" antolatu ditu. Ibilbide horiek Erdi Aroko Arabak egingo ditu: "Oion eta Barriobustoko barrokoa", "Ebroren ertzeko artea eta historia Lapuebla de Labarcan", "Erromanikoa eta errenazimendua Berberana eta Paganosen", "Gotikoaren amaiera Lezan eta Nabaridasen", "Historiaurrea eta Erdi Aroa Eskuernagan" eta "Erdi Aroko bizitza Kripan eta Binasperin". Bi ordutako ibilbideak izango dira eta 35 pertsonek eman ahal izango dute izena aldez aurretik https://visitriojaalavesa.com/eu/hasiera/ webgunean, eta pertsonako 5 euroko kostuarekin.

Ekimen honek Arabako Foru Aldundiaren laguntza ekonomikoa du, Arabako Kuadrillei laguntza emateko programaren barruan, kuadrilla horiek sustatzeko ekintzetarako.

"Ekimen honekin kalitatezko turismoa eramaten dugu hain ezagunak ez diren herrietara eta ohikoak ez diren lekuetara, turistek Arabako Errioxako ondarea ezagutu dezaten. Hori guztia proiektu jasangarri baten barruan, kultura- eta ondare-turismoa garatzeko helburuarekin. Horretarako, Erdi Aroko Arabako laguntza teknikoa prestatu dugu. Bisita bakoitzak bi ordu inguru irauten du "zehaztu du Txema Elvirak, Arabako Errioxako Kuadrillako presidenteak

1. ibilbidea, "Gozamen barrokoa Oionen eta Gorrebuston", martxoaren 21ean eta irailaren 12an hasiko da, 11:00etan, San Millan Abad elizan, Gorrebuston. Arabako Erdi Aroko azalpen teknikoekin, Gorrebustoko San Millan Elizan hasiko da ibilbidea. XIX. mendearen hasieran eraikitako tenplua da, eta eskualdeko parrokiarik modernoena da.

Bertan, desagertutako hainbat komentu-espaziotako erretaulak azalduko dira. Horien artean, Laturce mendiko monasterio ospetsutik ekarritako estilo barrokoko erretaula bat nabarmentzen da. Bisitak Oiongo Jasokundeko Andre Mariaren elizan jarraituko du. Tenplu horretan portada gotiko-errenazentista ederra, erretaula barroko bikaina eta Araba osoko dorre lirain eta dotoreenetako bat nabarmentzen dira.

Erromanikoa

2. ibilbidea "Ebro ibaiaren ertzeko artea eta historia: Lapuebla de Labarca" izenekoari eskainia egongo da. Taldeak Jasokundeko Andre Mariaren eliza bisitatuko du eta bertan, 11:00etan, apirilaren 25ean eta irailaren 19an egingo dute hitzordua.

Lapuebla de Labarcako historia oso lotuta dago Ebro ibaiaren eragina duen paisaiarekin. Ibilbide honetan, parrokia-eliza ezagutuko da bere arrasto errenazentistarekin. Bertan, Juan de Astiasu harginak lan egin zuen eta barruan estetika barrokoagoa duen erretaula eder bat gordetzen du. Gainera, udalerriko kasu historikoan zehar ibiliko dira, ibaiaren begiratokiak eta mahasti ugariek eskaintzen dituzten ikuspegiekin.

3. ibilbideak "Erromanikotik errenazimendura: Berberanako ermita eta Paganoseko Jasokundeko eliza" aztertzen ditu. Topagunea Berberanako ermitan egingo da, 11:00etan, maiatzaren 9an eta urriaren 3an.

Jardunaldiari hasiera emateko, Arabako Errioxako Erdi Aroko ondarearen mugarri nagusietako bat ezagutuko dugu: Berberana ermita erromanikoa, mendilerroaren magalean kokaturik. Bertan, bere historia, gainbehera eta hondamendia eta jasan zuen zaharberritze integrala aztertuko dira. Ibilbideak Paganosen jarraituko du, Errenazimenduan murgilduta, tradizio erromanistako erretaula nagusia aztertuz, Diego Jimenez eskultore nafarrak egina.

"Gotikoaren amaierako bitxiak Lezan eta Navaridasen" izena du 4. ibilbideak, eta, 11:00etatik aurrera, Lezako San Martin eliza eta Navaridasko Sortzez Garbiaren eliza izango ditu ardatz. Bisitak ekainaren 6an eta urriaren 24an izango dira.

Ibilbide horretan, XV. mendeko bigarren erdialdean jatorria duten bi tenplu ikusgarri bisitatuko dira. Bi eraikinek portada gotiko dotoreak dituzte, eta Navaridasen XVIII. mendeko bigarren sarrera bat dago. Barruan, erretaula barroko bilduma bat, "erromatar erako" motibo ugariz beteriko koruak, harlanduzko lan bikainak eta Aro Modernoan zehar bi herriek izan duten botere ekonomikoa erakusten duten hamaika xehetasun gordetzen dituzte.

Historiaurrea

5. ibilbidea atzerago joango da, "Historiaurreko eta Erdi Aroko oihartzunak Eskuernagan" izenekoei eskainita. Bertan, 11:00etatik aurrera, San Andres parrokia, Santa Maria baseliza eta El Montecillo trikuharria zeharkatuko ditu. Bisitak ekainaren 13an eta azaroaren 7an egingo dira.

Ibilbidean parte hartzen dutenek San Andres eliza handiaren (XVI-XVII) eta Santa Maria ermita txikiaren (XI-XIII) arteko kontrastea miretsiko dute. Azken honetan, zaharberritzeak gorabehera, jatorrizko tenpluaren hainbat elementu kontserbatzen dira: portada soila, leihate estetiko bat eta Eskuernagako Santa Mariaren tailua. Gainera, 2009an herriaren inguruan monumentu megalitiko bat aurkitu zen, eskualdeko lehen biztanleen datuak ezagutzeko aukera ematen duena.

Azkenik, 6. ibilbideak, uztailaren 4an eta azaroaren 21ean, "Erdi Aroko Arabako Errioxako bizitza Kripan eta Binasperin" aztertuko du. Kuadrillako eta Erdi Aroko Arabako teknikarien laguntzarekin, San Joan Bataiatzailearen eliza, Santa Maria parrokiaren hondakinak, San Martin ermita, Jasokundearen parrokia eta Erdi Aroko iturria bisitatuko dira. Taldearen topagunea San Joan Bataiatzailearen elizaren kanpoaldean (Kripan) izango da 11:00etan

XVII. mendean, Kripanek tenplu berri bat eraikitzea erabaki zuen, eta aurreko eliza, Santa Mariari eskainia eta izaera erromanikoa zuena, desegin egin zen bolatoki bihurtu arte. Horrela, denboren eta eraikinen segida honek izaera berezia ematen dio multzoari. Binasperiko kasuan, gaur egungo XVI-XVII. mendeko elizak Erdi Aroko jatorria duten aztarnak eskaintzen ditu. Gainera, herriaren irteeran dagoen Erdi Aroko iturria bisitatuko da.

Informazio gehiago:

Arabako Errioxako Kuadrilla: 945 600 252 (astelehenetik ostiralera, 9:00etatik 15:00etara)

Izen emateak: https://visitriojaalavesa.com/eu/hasiera/ 

1. ibilbidea, "Gozamen barrokoa Oionen eta Gorrebuston"-ARGAZKIAK

Martxoaren 8a, Emakumeen Nazioarteko Eguna, dela eta, Arabako Errioxako Kuadrillak berdintasun erreal eta eraginkorrarekin duen konpromisoa berretsi nahi du.

Egun honek aukera ematen digu aurrerapausoak balioan jartzeko, baina baita oraindik dauden desberdinkeriak eta erronkak gogorarazteko ere. Berdintasuna ez da aldarrikapen hutsa; politika publikoetan, eguneroko praktikan eta herritarren inplikazioan oinarritzen den konpromiso iraunkorra da.

Tokiko erakunde gisa, gure ardura da berdintasun politikak indartzea, emakumeen aurkako indarkeria mota guztien aurrean tinko jardutea eta gure herrietan berdintasuna sustatzea dugu helburu.

• Martxoak 8- Emakumeen Nazioarteko Egunaren adierazpen instituzionala

Martxoaren 8an, Emakumeen Nazioarteko Egunean, emakumeen eta gizonen arteko berdintasun erreal eta eraginkorrarekin dugun konpromisoa irmoki berresten dugu. Printzipio demokratiko hori ukaezina da, eta gizarte justu, aske eta kohesionatu baten funtsezko zutabea.
Gaur, ahotsa irmo altxatzen dugu berdintasuna defendatzeko eta aldarrikatzeko, bere diskurtsoa zokoratzen eta zalantzan jartzen ari baita komunikabideetan, sare sozialetan eta, modu kezkagarrian, giza harremanetarako eguneroko espazioetan.
Historian zehar berdintasunaren aurrerapenen aurrean gertatu den bezala, mugimendu antifeminista baten goraldian gaude gaur egun, diskurtso erreakzionario eta misoginoetan adierazten dena. Narratiba horiek oinarrizko konkistak zalantzan jartzea, nahasmendua sortzea eta indarkeria matxistaren existentzia deslegitimatzea bilatzen dute. Diskurtso antifeministak erasoaldi politiko eta kolektiboki antolatua osatzen dute, eta eztabaida publikoan ezin dira beste iritzi bat bezala onartu .
Berdintasunaren defentsa ez da aukera bat, ezta ideologia bat ere: giza eskubide unibertsala da, aitortua eta babestua. Hamarkadetan kolektiboki borrokatuz eta lan eginez lortu duten eskubidea da emakumeek, mugimendu feministak, erakundeek eta pertsona aliatuek, batez ere, diskriminazioa desagerrarazteko, askatasunak zabaltzeko eta guztientzako aukerak bermatzeko
Berdintasunean hezten duen, estereotipoak baztertzen dituen eta errespetuan, askatasunean eta duintasunean oinarritutako harremanak sustatzen dituen gizartea aldarrikatzen dugu; baita indarkeria matxistaren biktimak eta bizirik atera direnak aintzat hartzen, laguntzen eta entzuten dituena ere. Izan ere, ozen eta garbi esaten dugu berdintasunik gabe ez dagoela erabateko demokraziarik, eta indarkeria matxista desagerrarazi gabe, ez dagoela guztiontzako askatasunik.
Martxoaren 8an, euskal udalek dei egiten diegu herritar guztiei eta erakunde guztiei batuta eta elkartuta irmo egon gaitezen lortutako eskubideak defendatzeko eta , atzera pausurik gabe, berdintasun erreal eta eraginkorrerantz aurrera egiten jarraitzeko.
Horregatik, Arabako Errioxako Kuadrillak konpromiso hauek hartzen ditu:
• Gure udalerri eta eskualdeetan taldeak sor daitezen sustatzea, diskurtso misogino eta antifeministei aurre egiteko eta informazio faltsuen hedapena desaktibatzen laguntzeko.
• Tokiko eremutik lehentasunezko kolektiboekin esku hartzea, haien jarrera antifeministak eta maskulinitate toxikoak desmuntatzeko.
• Erresistentzia-aliantzak sustatzea talde feminista eta tokiko beste eragileekin, jarrera antifeministak identifikatzeko eta eteteko bizikidetza-espazioetan eta komunitate birtualetan.

• Baliabideak eta egiturak zaintzea eta babestea, gure udalerrian berdintasun-politikek aurrera egiten jarrai dezaten.

Dei egiten diegu herritarrei bat egin dezaten Martxoak 8-Emakumeen Nazioarteko Egunean tokian-tokian antolatzen diren deialdi eta aldarrikapenekin.

Imajinatu zure herrian norbaitek laguntza behar duela lanpara bat instalatzeko, mugikorra erabiltzen ikasteko edo medikuarengana joateko, eta, aldi berean, zuk behar duzun zerbait eskain diezazukeela: errezeta tradizional bat, konponketa sinple bat, paseo bat zure amarekin edo aitarekin, elkarrizketa bat ingelesez...
Horrela funtzionatzen du Arabako Errioxako Denboraren Bankuak, denbora partekatzean batzen gaituzten loturak indartzen ditugula erakusten duen auzo-ekimenak.

Denboraren Bankua ekimen komunitarioa eta trebetasunak eta laguntzak trukatzeko sistema da, non truke-unitatea ez den dirua, baizik eta denbora partekatua. Zure denborako ordu batek beste pertsona baten denboraren ordu bat balio duela dioen printzipioaren arabera funtzionatzen du, egindako jarduera edozein dela ere, eta orduak ez zaizkio pertsona berari itzultzen, baizik eta sare barruan zirkulatzen dute, parte hartzen dutenen artean etengabeko laguntza sortuz.

Denbora-bankuak pertsonen arteko laguntza-sarea sortzen du, eta honako hauek ahalbidetzen ditu:

• Trebetasunak eta laguntzak trukatzea dirurik gabe.
• Eguneroko beharrei erantzutea.
• Auzokideen arteko harremanak sendotzea.
• Pertsona guztien jakintzak baloratzea.

Funtzionamendua ere erraza da: bazkide bakoitzak denbora kontu bat du, eta hor erregistratzen dira eskaintzen dituen orduak eta jasotzen dituenak. Ez da beharrezkoa zerbitzua pertsona berari itzultzea; orduak sarean mugitzen dira, laguntza komunitarioko etengabeko zikloa sortuz. Izan ere, Denboraren Banku batean, gaur jasotzen duenak, bihar ere eskaini  ahal izango du.

Proiektua Arabako Errioxan bizi diren eta erlazionatzeko modu desberdin horretan parte hartu nahi duten pertsona guztiei zuzenduta dago, non berdintasuna eta elkarrekikotasuna guztiaren oinarriak diren.
Gehiago jakin nahi baduzu, bazkide egin nahi baduzu edo nola funtzionatzen duen jakin nahi baduzu, gustura hitz egingo dizugu. Izan ere, gure eskualdean, orduro kontatzen du… eta pertsona bakoitzak ere bai.

Izena eman

Beste zazpi enpresa handi batu dira Eskuarara, eta 30etik gora dira jada proiektuko kideak

Arabako zazpi enpresa handi eta estrategikok bat egin dute Eskuara proiektuarekin, euren erakundeetan euskararen erabilera sustatzen jarraitzeko. Batu diren enpresak hauek dira: Oreka IT, RPK, Zaraobe, Eraiken, Amets SL, Mekatxabir eta Artomaña txakolina. Gaur egun, 30etik gora enpresak eta Lanbide Heziketako zentrok jasotzen dute aholkularitza Eskuara egitasmoaren bidez.

Aitortza ekitaldia Gasteizko Merkataritza Ganberan egin da, eta bertan 2025ean egindako lana eta 2026rako ildo nagusiak aurkeztu dituzte. Ekitaldian parte hartu dute, besteak beste, Saray Zarate Arabako Foru Aldundiko diputatuak eta Maria Nanclares Gasteizko Udaleko zinegotziak, euskarak enpresetan duen balioa azpimarratuz.

2023an sortutako Eskuara proiektuak enpresa handietan euskararen erabilera sustatzea du helburu, Ahize-AEKren aholkularitzarekin. Parte hartzen duten erakundeek hainbat aurrerapauso eman dituzte: hizkuntza-politikak definitu, webgune eta materialak euskaratu, praktikaldietan euskararen presentzia indartu eta barne-komunikazioa euskalduntzen hasi dira, besteak beste.

2026an bost ardatz nagusitan sakontzen jarraituko dute: hizkuntza paisaia, barne-harremanak, praktikaldien euskalduntzea, euskaraz jardun nahi dutenen ahalduntzea eta bezeroarentzako arreta. Martxoan hasiko den 24. Korrikaren harira, lantokietan ere lanketa egiteko gonbidapena luzatu diete enpresei.

El acto de reconocimiento se celebró en la sede de la Cámara de Comercio de Álava en Vitoria-Gasteiz, se reunieron representantes de las nuevas empresas adheridas al proyecto además de representantes de estas empresas, miembros de las que ya forman parte. En ella se han dado a conocer los trabajos realizados en 2025 y sus planes para 2026.

También participaron responsables de las instituciones públicas promotoras del proyecto ESKUARA. La diputada de Desarrollo Económico e Innovación, Saray Zarate destacó el valor que el euskera ofrece a las empresas y añadió que "hay posibilidades de incorporar este valor de forma práctica: Eskuara es una herramienta para ello y al mismo tiempo una comunidad, una red y una dirección compartida. Combina el uso del euskera, el desarrollo económico y la cohesión del territorio ".

De Rioja Alavesa acudieron representantes de la Ruta del Vino, la presidenta, Rosa García, acudió junto a Gemma Ruiz, técnica de la asociación, además la técnica de Euskera, Arantzazu López de Alda, acudió en representación de la Cuadrilla. Ambas entidades participan en el proyecto LUKUAK, la versión local de Eskuara. Esta iniciativa acompaña a entidades turísticas y bodegas para que den pasos progresivos —cada cual según su realidad y ritmo— con el objetivo de garantizar la presencia del euskera en su actividad.

El acto finalizó con un brindis con txakoli de Artomaña, entidad socia del proyecto, y con vinos de las bodegas de Rioja Alavesa que participan en Euskara Lukuak.

El proyecto contempla, entre otras actuaciones:

• Diagnóstico inicial sencillo.
• Elaboración de un mapa estratégico del uso del euskera y definición de un plan de mejora.
• Diseño de criterios propios que faciliten su integración en el funcionamiento interno.
• Adaptación de documentación, página web, paisaje lingüístico e imagen corporativa.
• Estrategias para reforzar el uso del euskera en redes sociales.
• Asesoramiento para garantizar una atención eficaz en euskera.
• Apoyo para la acogida de nuevo personal y de personas en prácticas en euskera.
• Formación práctica online en euskera para comunicaciones telefónicas y respuesta a correos electrónicos.
• Orientación sobre futuras certificaciones en Gestión Lingüística.

Personas, entidades interesadas: contactar con criojaalavesa.euskara@ayto.araba.eus

Arabako Errioxako Kuadrillak laneratzea bultzatuko du 11 langabe kontratatuta, Lanbideren programa baten bidez

Arabako Errioxako Kuadrillak Lanbideren "LEHENTASUNEZKO ARRETAKO KOLEKTIBOENTZAKO ENPLEGU-PROIEKTU INTEGRALAK" programaren edizio berri bat jarri du abian, eta, horri esker, 11 pertsona kontratatu ahal izango dira sei hilabetez.

Programa horretan, kalteberatasun-egoeran edo bazterkeria-egoeran edo -arriskuan dauden pertsonek parte hartu ahal izango dute, bai eta langabezian daudenek eta LANBIDEn enplegu-eskatzaile gisa izena emanda daudenek ere, baldin eta nagusiki Arabako Errioxako eskualdean bizi badira.

Programa honek enplegu ordaindua, prestakuntza eta lan-orientazioa uztartzen ditu, eta lan-merkatuan sartzeko zailtasun handiagoak dituzten pertsonen enplegagarritasuna hobetzea du helburu. Prestakuntzaren, orientazioaren eta esperientzia profesionalaren bidez, gizarteratzean eta garapen ekonomiko bidezkoago eta orekatuago batean aurrera egiten dugu Arabako Errioxan.

Kontratatutako pertsonek mantentze eta lorezaintza lanak egingo dituzte Ekorako, Eltziegoko, Eskuernagako, Lezako, Mañuetako, Moredako, Navaridasko eta Samaniegoko Udaletako herrigunean.

Kontratuek sei hilabeteko iraupena izango dute, % 75eko lanaldiarekin, eta, taldeka, gaitasun teknikoetan 40 ordukoa eta zeharkako gaitasunetan 60 ordukoa izan beharko dute nahitaez, baita banakako lan-orientazioko sei ordukoa ere. Prestakuntza hori programa hasi aurretik eta lanalditik kanpo egingo da, ordainsaririk gabe.

Programa hau egiteko, kuadrillak LANBIDEren laguntza ekonomikoa du.

Parte hartu nahi duzuenok izena eman behar duzue hurrengo estekan:

https://web.lanbide.eus

Larunbat honetan abiatuko da Arabako bertsolari Txapelketa. Lehen faseko lehen saioa
Oionen izango da, otsailaren 7an, 17:30ean, Bazterra aretoan. 
Hiru asteburutan jokatuko da lehen fasea beste hainbeste herritan: Oion, Laudio eta Izarran
izango dira saioen lekuko.
Oiongo saioan honako bertsolari hauek kantatuko dute:
 Aroa Arrizubieta Barredo - Gasteiz
 Felipe Zelaieta Txurruka - Mallabia/Gasteiz
 Iñaki Viñaspre Simon - Abetxuku
 Martin Abarrategi Sarrionandia - Aramaio
 Sabin Abarrategi Sarrionandia - Aramaio
 Unai Anda Delika - Ametzaga
Gai jartzailea Eli Plazaola Zubizarreta (Zumarraga/Kanpezu) izango da.
Kantatuko duten bertsolarien artean, nabarmentzekoa da Aroa Arrizubieta, 2024ko Arabako
Bertsolari Txapelduna. Aroak Arabako Eskolarteko Txapelketa irabazi zuen 2016, 2017 eta
2019an, eta 2017an Euskal Herriko Eskolartekoa ere irabazi zuen, hori lortu duen lehen
arabarra izanik. 2019an parte hartu zuen lehen aldiz Arabako Bertsolari Txapelketan eta
finalera heldu zen. 
Era berean, Iñaki Viñasprek ibilbide luzea du txapelketan: Arabako Eskolarteko Txapelketan
txapelduna izan zen 2002an eta 2003an, 2004tik Arabako Bertsolari Txapelketan finalista da,
eta 2019ko txapelduna. 2023ko Arabako Kuadrillartekoa irabazi zuen "Katuko Muñoak"
taldeko partaide gisa. 
Azkenik, Martin Abarrategik 2021eko Arabako binakako bertsolari Txapelketa irabazi zuen
Manex Agirrerekin bikotea osatuz.

Kuadrillako, Moredako eta Oiongo Udaleko ordezkari zenbaiten eta publiko urriaren aurrean, Arabako Foru Aldundiak bere 2025–2029 Euskara Plana aurkeztu zuen Bazterra aretoan pasa den asteazkenean.

Plana Kuadrilletara hurbiltzea erabaki du Aldundiak oraingoan, Araban euskararen sustapenerako Plan Estrategikoa modu zabalagoan ezagutarazteko. Horregatik, Arabako Errioxako udal guztietako ordezkariak gonbidatu zituzten, baita beste erakundeetako kideak, ikastetxeetako ordezkariak, guraso elkarteak, euskalgintza eta gizarte eragileak ere. Ekitaldi atsegina egiteko asmoa zuten tokiko eragileen parte hartzea bilatuz.

Berdintasuna, Euskara eta Gobernantzako Foru Diputatua den Iñaki Gurtubaik nabarmendu zituen Arabako erabilpen datuak. Izan ere, gure kuadrillako populazioaren %43,52k ulertzen du euskara, eta 35 urtez azpikoei erreparatuta, %77,42raino igotzen da. Azken hamarkadetako bilakaera positiboa adierazteko, Gasteiz batean, ETS taldearen azkendiskoaren aurkezpena 8.000 lagunen aurrean erabat euskaraz egin izanaren adibide argia jarri zuen, hala ere, hizkuntzaren  erabilera sustatzeko gehiago egin behar dela azpimarratu zuen. Horretara dator Joseba Perez de Heredia Zuzendariak azaldu zuen eta 34 ardatz dituen plana,  diseinuan eta lanketan parte hartutako talde guztiei erreferentzia eginez. 

Saioa Aramaioko Maria Izaga eta Andoni Zabalo musikariek girotu zuten. Bukatzeko, Gazte Sortzaileen bekaren irabazle eta bertaratutako bi gazteren ikus-entzunezkoa aurkeztu zuten. 

Euskararen plan estrategikoa

25ean, Mañuetan eskualdeko topaketa egin zen indarkeria matxistaren aurka. Euri-etengabea izan arren, ehun pertsona baino gehiago bildu ginen eta elkarrekin ibili ginen 6,7 km-ko ibilbide zirkularrean, elkar zaindu, entzun eta inor atzean ez uzteko helburuarekin. Eguneko leloak — “Herri batean dena jakiten da… edo ez” — isiltasuna apurtzera eta konplizitateari aurre egitera gonbidatu gintuen.

Ibilbidearen amaieran, zuhaitz bat landatu genuen isilean eta “Hitz egiten duten harrien · A25” dinamika egin zen, non parte-hartzaileek mezuak eta irudiak margotu zituzten harrietan. Ondoren, Agurra dantzatu zen eta Eskualdeko Manifestua irakurri zen.

Amaitzeko, emozio handiz, elkarrekin abestu genuen Vivir Quintanaren “Canción sin miedo”, borroka eta itxaropen oihu indartsu gisa.

A25 Manifestua.pdf

 AZAROAK 25eko ADIERAZPENA  EMAKUMEEN AURKAKO INDARKERIA DESAGERRARAZTEKO NAZIOARTEKO EGUNA DELA ETA

Indarkeria Matxista Ezabatzeko Nazioarteko Eguna dela eta, Arabako Errioxatik, gogora ekarri nahi dugu Indarkeria matxistak beldurrezko eta lotsazko ingurunea sortzen duela, indarkeria jasaten dutenak bakartzeko eta isilarazteko joera du, eta biktimagileen zigorgabetasun-sentsazioa areagotzen du. Izan ere, sarerik ez izateagatik eta komunitatean sustraituta ez egoteagatik, egoera horiek areagotu egiten dira isolatuago egon daitezkeen emakumeen artean, besteak beste, adineko emakumeak, landa-ingurune sakabanatuetan daudenak, desgaitasuna duten emakumeak, emakume atzerritarrak eta bestelako baldintza bereizleak dituztenak.

KOMUNITATEAk beste pertsona batzuekin konektatzen gaitu, eta babes-loturak garatzea eta narratiba komunak sortzea ahalbidetzen du. Horregatik, komunitateak emakumeen aurkako indarkeria matxista prebenitzen lagun dezake, eta berdintasunean oinarritutako harreman-inguruneak sortu, diskriminazioaren eta indarkeriaren adierazpenek tokirik izan gabe.  Auzokide, lagun edo kuadrillen arteko harreman estuak goiz ohartaraz dezake indarkeria-egoera gertatzen ari dela.

Komunitate feministak, hurbiltasunetik eta sororitatetik, indarkeria jasaten ari diren emakumeak gorputzez babes ditzake, baita enpatia adierazi eta gertuko bide-laguntza ere eskaini. Halaber, jasandako indarkeria matxistari aurre egiten eta onera etortzen lagun dezake, eta egoera horietan bere erritmoak eta erabakiak errespetatu ditzake.

Tokiko komunitateak biktimen erreparazioa babes dezake. Horretarako, eragindako kaltea aitortu eta indarkeria matxista salatu dezake, eta publikoki biktimarekiko eta haren ingurukoekiko elkartasuna eta  gaitzespena adierazi.

Erantzukizun zuzena dugu, komunitateak sustatzeko non auzotarrak, taldeak eta koadrilak indarkeria matxistaren aurrean erne egongo diren, eta indarkeria matxista pairatzen dutenak hartu, integratu eta babestuko duen bizitza komunitarioa bultzatzeko. Era berean, emakumeen aurkako indarkeria matxistaren biktimentzako komunitate erreparatzaileak sustatzeko erantzukizuna dugu.

Azkenik, Emakumeen aurkako Indarkeria Desagerrarazteko Nazioarteko Eguna dela eta, Arabako Errioxako udalek gaur antolatu dituzten ekitaldietan parte hartzera animatzen zaituztegu herritarrak, eta, gogoratu, azaroaren 30ean, Mañuetan, azaroak 25 dela eta eskualdeko martxa eta topaketa bat egingo dela, emakumeen aurkako indarkeria matxista mota guztien aurrean gure gaitzespen aktiboa adierazteko.

Arabako Errioxako Kuadrillako presidenteak gezurtatu egin ditu Oiongo alkateak landare-estalkien proiektuari buruz egindako adierazpenak

Txema Elvirak Oiongo zinegotziari zorroztasun instituzionalez jokatzeko eskatzen dio, nahasterik ez sortzeko eta udal teknikarien lana errespetatzeko

2025eko azaroaren 21ean

Arabako Errioxako Kuadrillak jendaurrean argitu nahi ditu Oiongo alkateak Europako funtsekin finantzatutako landare-estalkiak edo aterpe klimatikoak instalatzeko proiektuari buruz udal aldizkari informatiboan egindako adierazpenak. Udal-ordezkariaren adierazpenek, zehaztasunik gabekoak izateaz gain, prozesuaren irudi desitxuratua ematen diete herritarrei, eta zalantzan jartzen dute ezarritako prozedura teknikoak eta

Lehenik eta behin, Kuadrillak gogorarazi du Oiongo Udalak libreki onartu zituela estalkien kokapenak udalerri barruan, proiektuaren proposamena jaso ondoren. Kokalekuak aukeratzea Udalaren erantzukizun esklusiboa izan zen, jarduera honetan parte hartu zuten gainerako herrietan bezala.

Era berean, garrantzitsua da argitzea obran erori zen estalkiak ez zuela egin diseinu-akats batengatik, Udalak bere argitalpenean oker baieztatzen duen bezala, baizik eta exekuzioan zehar egindako muntaketa-akats zehatz batek eraginda, zein berehala detektatu zuten eta enpresa arduradunak konpondu zuen kostu gehigarririk gabe. Ondorioz, estalkia aurreikusitako diseinuaren arabera berreraiki zen oso-osorik.

Prozesu horretan, Oiongo alkateak berak berariaz eskatu zuen erori ez zen eta egoera ezin hobean zegoen estalkitik proiektua jarraituta jarritako landare-lurra kentzea, eta Kuadrillak onartu egin zuen eskaera hori. Beraz, ulertezina da orain kentzea eskatu zuen landare-estalkia berriro jartzea eskatzea.

Ureztatze automatikoko sistemari dagokionez, proiektua idatzi duen teknikariaren eta obren zuzendariaren txostenaren arabera, "... onartutako kokapenetara egindako bisitan, horien ureztatze-hornidurari buruz eztabaidatu zen. Udal ordezkariaren iritzia eta instrukzioa izan zen estalkiak ureztatze sistemaz ez hornitzea... Horregatik, ez zen halako sistemarik jarri...”

Era berean, gogoratu behar da udal arkitektoak egindako obrari buruzko adostasun-txostena sinatu zuela, proiektuarekin bat zetorrela ziurtatuz. Txosten horrekin, obra jaso egin behar da, araudiak ezartzen duen bezala eta beste edozein kontratu publikotan gertatzen den bezala.

Hori dela eta, Arabako Errioxako Kuadrillak erabat gezurtatzen du udalak udal-aldizkarian emandako bertsioa, eta arduraz eta erakundeen zorroztasunez jokatzeko deia egiten dio. "Alkateari eskatzen diogu bere teknikarien lana errespeta dezala eta ez dezala nahasmenik sor ez dagoen tokian. Proiektua behar bezala gauzatuta dago, Udalak berak eskatuta birformulatuta eta udal-arkitektoak balioztatuta ", adierazi du Arabako Errioxako Kuadrillako presidente Txema Elvirak.

Eraldaketa Komunitarioko Bulegoaren (EKB) azaro eta abenduko zerbitzua. Zerbitzu honek komunitate energetikoak abiarazten laguntzen du.

Arabako Errioxako eta Arabako Mendialdeko koadrilek, Arabako Foru Aldundiaren laguntzarekin, beste irteera gidatu bat antolatu dute Ardoaren eta  Arrainaren Ibilbide historikoan zehar (GR-38). Azaroaren 16an izango da, igandea, 9:00etan.

Ibilbidea autobusez abiatuko da Lagranetik Laguardiaraino, eta bertan abiatuko da oinezko martxa. Antzina Arabako Errioxa Kantauri  itsasoarekin lotzen zuen  ibilbideak,  ardoa  eta arraina trukatzeko,  eta  udazkeneko paisaiaz  gozatzeko  ingurune natural  eta  kultural pribilegiatua eskaintzen du.

Jardueraren xehetasunak
•Data: azaroak 16, igandea
•Irteera ordua: 9:00 h
•Hasiera lekua: Lagran plaza (Laguardiarako autobusa)
•Ibilbidea: 11,1 km
•Gutxi gorabeherako iraupena: 3 ordu
•Zailtasuna: Ertaina

Nahitaezko inskripzioa
Jarduera doakoa da, baina aldez aurretik izena eman behar da.
Azken eguna: azaroaren 14a
Izen-ematea:
• 

• ➤  arabakomendialdea.eus
• ➤  riojaalavesa.eus
• ➤ Izenaematekoformularioa
• Telefonoak: 945 600 252 / 945 405 424

Araudia.pdf

Arabako Errioxako Kuadrilla Arabako Errioxako Udalerriak Edertzeko Plan bat diseinatzen ari da, Helmugako Turismo Jasangarritasunerako Planaren (PSTD) jarduera gakoetako bat. Plan hori Arabako Errioxako Kuadrillan bertan sustatzen ari gara, NextGenerationEU funtsen finantzaketarekin. 

Proiektu honen helburu nagusia da eskualde osoko espazio publikoen kalitatea, funtzionaltasuna eta estetika hobetzea. Hori definitzeko, Traza Consulting SL enpresa dugu, hirigintzan eta lurralde-antolamenduan aditua den aholkularitza-enpresa. 

Gaur egun, diagnostikoaren fasean gaude, gune bakoitzaren beharrak eta lehentasunak identifikatzeko funtsez-ko azterketa. Lan horren emaitza udalerri bakoitzerako ekintza-plan espezifiko bat izango da, eta ekintza-fitxa zehatz eta bideragarrien katalogo bat izango du. Fitxa horiek ibilbide-orri 

gisa balioko dute udalerriko kaleak, plazak eta berdeguneak hobetzeko etorkizuneko inbertsioetarako.

Diagnostiko hori ahalik eta zehatzena eta erabilgarriena izan dadin, gure udalerrien ikuspegi instituzional eta 

teknikoaz gain, funtsezkoa da herritarren ekarpena. Gure herrietako merkatariak eta biztanleak. Herritarren be-netako beharrei buruz duzuen ikuspegia eman dezakezue.

Herritarren parte-hartze hori bultzatzeko, inkesta bat egin da, eta erantzuteko eta zabaltzeko gonbita egiten dizuegu. Zuen erantzunek udalerriaren indargune, ahulgune eta lehentasunei buruzko ikuspegi baliotsua emango digute.

Esteka honen bidez sar zaitezkete inkestara:

 https://docs.google.com/forms/d/1F5GVsBHhVfrKc0YhOJrAPdVVOCjnC0qqHzNrZXX2kto/edit 

Lezak, Arabako Errioxako XXX. Mahats-bilketaren Festaren herri anfitrioiak, Oscar de Marcos aukeratu du pregoilari gisa. Jokalari ohiak, Laguardiakoa jaiotzez, “ilusio eta errespetu handiz” jaso du enkargua: “Harro nago niregan pentsatu dutelako”.

Kirolariakk harriduraz jaso zuen proposamena hasieran: “Ez nuen espero, aurten jaia Lezan izango baita eta ez nire herrian. Nire inguruan, lagunartean, familia guztiek dute nolabait ardoaren munduarekin lotura. Horregatik, oso gertutik ezagutzen dut bizi duten errealitatea eta eguneroko lana zer suposatzen duen, are gehiago bizi ditugun garai zail hauetan”, aitortu zuen futbolariak.

Lezako udal-arduradunek argi izan zuten, bere kirol ibilbidearen amaiera iragarri bezain pronto, Oscar de Marcos izan zitekeela ETS taldeko kideei lekukoa hartzeko, pregoilari aproposa. “Beti mantendu du bere herriarekin eta jatorriekin lotura estua, eta Laguardia eta Arabako Errioxa bere ibilbide profesionalak dizkion txoko guztietara eraman ditu”, azaldu zuen Ignacio Gallo alkateak.

Bestalde, Athletic Club-eko zaleen ikur bihurtutako futbolariak aitortu du ez duela inoiz jai honetan parte hartzeko aukerarik izan, bere kirol ibilbideak ez baitzion uzten, baina asko entzun duela haren inguruan. Aurten, festari buruzko aipamenak, bere esperientziarekin osatu ahal izatea espero du.

Oscarrek beti izan du jarrera diskretua zelaitik kanpo. Ez da protagonismoen zale, baina erretiratu denetik arreta bereganatu du, bai klubak eta zaleen peñek antolatutako ekitaldiengatik, bai bere herriak antolatutakoengatik. Eskualdeko festarekin lotuta, bigarren aldiz izango da protagonista: enkargua onartu ondoren eta hitzordua pentsatuz, urte batzuk lehenago, ume bat zela, bere herria Laguardia ordezkatu duela oroitu du, 1998ko Bastidako festan.